رسمى فهمى نظمى
------------------
لولا الهوا ما كنت جيت لولا الهوا
حبيبتى جيت وبقولها بالعربى
مسيطرة على بالى على فكرى
وبقولها من قلبى
لولا الهوا ما كنت جيت لولا الهوا
حبيبتى جيت الصبح من بدرى
علشان اعبر ليكى عن شكرى .. جدا على حبى
انا حبيت وادبيت وبقيت بعدك مش قادر اعيش
وان مرة حاولت اخبى مشاعرى مشاعرى مابتخبيش
وانا نفسى اكتبلك ألف غنوة بس انا مابيديش
لا انا عبد الحى سلامة ولا انا سيد درويش
ولاسايبك انا لو فات 100 سنة وبقينا احنا الاتنين عواجيز ياعينى
لولا الهوا بهديكى عمرى حب وهوا وبردو يبقى شىء رمزى
انا جاى اوضح ليكى سوء فهمى للدنيا من قبلك بحبك
لولا الهوا ولايوم بكيت لولا الهوا وقبل اما يخلص ف الهوا صبرى
جتنى عينيكى وحققت حلمى وارتحت من همى بحبك
لولا الهوا معقولة انتى اللى تشكرى ف جمالى وف روحى وكمان حسنى
ده انا اللى دايب رسمى فهمى نظمى وفوزى وشوقى لو تحبى
خونتك امبارح
----------------
عارفة ايه اللى اخرنى واللى كان مسهرنى
مش تفكيرى فيكى زى كل يوم اللى دايما مسهرنى
انا خونتك امبارح وقلبى مش مسامح
مش مسامح نفسى ولاعارف ازاى ده حصل منى
وازاى اخون نفسى ماهو انتى عندى نفسى
مادمعيش انا ماستاهلش دموعك اغلى منى
سامحينى انا الغلطان وادينى ببكى وندمان
مش مسامح نفسى ولاعارف ازاى ده حصل منى
فيه ناس كتير مابيحسوش بقيمة اللى معاهم وف ايدهم
الا لما يروح ومايرجعلوش ويظهر ان انا واحد منهم
السبت أكتوبر 31, 2009 9:21 am
