البارحه ضاق الفضا من حنيني
.....................................ويلاه من شوق يعـذب خويـه
طال الظلام ومل ليلي ونينـي
.................................. ليلي طويل ولوعتـي داخليـه
مما أحس أتنكرت بي سنينـي
................................. كن السنين من الخطايـا بريـه
تكفى حبيبي عالج الجرح فيني
................................. كانك تبيني حول دون المنيـه
لو ماقتلت النوم برموش عينـي
..................................ماكان ليلي مات والعيـن حيـه
ماودها بالنوم عشقـك يبينـي
................................. في جفنها لعيون كـل البريـه
على العموم إن كنت مثلي تبيني
................................. لا يزعجك دمع العيون الشقيـه
لا بد أجيك بيـوم ولا تجينـي
................................. حتى ولو طول غيابـك علـيه
تحيات (ذات الرداء الاحمر) 
الإثنين نوفمبر 02, 2009 7:41 am
